أشعار اتحادية قيلت فى الديربى

ا

دسكات الاهل

أول عام قالوا ناقصين
.ثاني عام واخذهم تعب
وثالث عام قالوا مفلسين
رابع عام التيحا منتخب
خامس عام الحاكم ضالمين
وسادس عام إدارتهم حطب
سابع عام التيحا قاسيين
وثامن عام رشوه ياعرب
وتاسع عام جونا خايفين
وفى العاشر الزوى بالفطحة ضرب
ـــــــــــــــــــــــــــــــــــــــــــــــــــــــــ


اه علي زماني
فرحت بالبطولة وخدوها مني تاني
اه علي زماني
معاش ينفع انبية والزعلوك والشلماني
اه علي زماني
زعما نقدر نجيبها تاني
صعب....... عندهم رحومة والرواني
فريق واصل للدور التماني
زعما نقدر نتعادل لما نلعبله تاني
وندبح القعود ونوزع الصواني
ونحجج سمير ونرشي الشيباني
لا يا حويج لا
stop
you'll never take it تاني
الصدارة حلم ... خلاك تعاني
راني تحتوح في القلعة الحمرا تلقاني
وللبحث عن وصيف يليق بي.....
تراني كلي اماني
ـــــــــــــــــــــــــــــــــــــــــــــــــ

موضوعك يا جار قديم

موضوعك يا جار قديم...ودسكة مشروخة تعاودها
والله من غير التحكيم...النقطة أحلام تراودها
والتاريخ صريح يقول...خاسر قدامي بالهلبة
قدامي مافيش حلول...تتعادل تفرح بالهلبة
تخش المبارة طاووس...وعندك في الأوهام طقوس
نجومك جمهورك وفلوس...وطامع في التيحا بتربحها
بتعادل تطلع مهووس... الحمراء تبقالك كابوس
وفي الكورة نعطوك دروس...وفي الحوش تحلل واجبها
الباين ذاكرتك خاناتك...تنادي هالحرقة مصعبها
وأمك في صغرك وصّاتك...النار الحمراء ما تقربها
ــــــــــــــــــــــــــــــــــــــــ



شعر بمناسبة اللقاء رقم (99) ) ذهاب موسم 04/05 (11 يونيو) يوم الاثنين الموافق 12/10/2004 فاز الاتحاد (2 ـ 0)
على رحومة وسالم الروانى

التيحة ماكيفاش نوادى
التيحه ما كيفاش نوادي.. التيحه أسطورة في بلادي
التيحه معروف من أجدادي .. .ويا ربي دومه لحفادي
سمير اللي مداير حاله ... حارس مرمى منهو كيفه
زيه ما يلاقوا أستحاله.. .كيف الصقر يفوّت ضيفه
قالو المرمى بدت صغيرة... الكورة اللي تمشي ما تعود
قتلهم غير لاش الحيرة ... المرمى حارسها عبود
وفتحي رحيل حلف يمين.. اليوم انهني عاليمين
وما يفوتش من جنبي والي.. .ولا يفوت رقيق ولا سمين
والمخلوف الأرض حرثها.. .بريشاته في كل مكان
وحالف ماكورة يفوتها... وكان يجيبوا بن زيدان
والحمادي خمسه مش عادي... يزيدوا الضغط يزيد عنادي
وفي السطاش مداير وادي .. .ما يعبر صاحب لا عادي
والشوشان عمل بوابه... والفوتان مسكر بابه
لا يعرف أهله لاصحابه... ولوبيكون الموت عقابه
وأرحومه يا محلى قوله.. .جاب الدورة فخمس دقائق
وأبكي بالحسره يا صوله ...والتيحه جمهوره رايق
مع صبيح يا محلى الكورة... شوارع فاتحها وطرق
وفي الهده يا محلى الصورة ... لوعشرة منكم يمرق
الزنكينه في الوسط قتلها... كان وقف خلاص يهني
غماته ما فيش متلها... وجمهوره يضحك ويغني
ونوارة يا أكرم عياد... وتمريراتك ما لها حل
معاك التيحه ديمه عياد.. .ورأس الأهلي طالب خل
الترهوني من معدن نادر... لو نحكي لغدوه ما نوفي
في الملعب كالسيل الهادر... وكان ولع شكون يطفي
والمرمى تعرف بوشاح ... اللي قدامه سعده طاح
مع التيحه لون التفاح... أنت تحشي وأنا مرتاح
الرواني أكبر فرفاش.. .خش نيته فلقول الفاني
دورنا زيه مهناش... قتلها المبارة بالثاني
والأبيض يا جندي بيقاتل.. .يا من فرقه أنتحاريه
وشعاره ميت يا قاتل.. .والأهلي قالوا سد النيه
والمرعي وين خش قتلها.. .وحده وحده جاب الثاني
والعابه مهناش متلها.. .يراوغ لول وين الثاني
واللي في البنكينه مصبي... أحميه وصونه يا ربي
ليه نهدي كل شوقي وحبي... وقت يفوت نكون مصبي
المدرب خطه و تكتيك... الله عليك ولد أتحاد
من الحاسد ربي يحميك... وتبقى في التيحه أستاد
وكانا حكم بن عبدالله .. .ياأتحادي أمرك لله
ورغم مشاكل بن عبدالله.. .لتحادي يلقى حله
والأهلي يصبرهم ربي... الأياب يريدوا تعادل
يشبح حمرة ينط مصبي.. .في مكانه يراوح ويبادل
والأداره ما نزيد عليها.. .هي العز ومنها وفيها
والجمهور اللي نواره.. .ياربي ما يشوف خساره

والقلب ينبض بحب سيد النوادي
ــــــــــــــــــــــــــــــــــــــــــــــــــــــــــــــ



اشعار بمناسبة ثلاثية موسم 2006/2007 ( ذهاب وسوبر واياب )

اللقاء رقم (107) ذهاب موسم 06/07 (11 يونيو) يوم الاربعاء الموافق 08/11/2006 فاز الاتحاد (2 ـ 0)
وليد عصمان / الغينى حسين كمارا
اللقاء رقم 108 بملعب 11 يونيو بطرابلس بتاريخ الاربعاء 17/1/2007 انتهى بفوز الاتحاد 1/0
يونس الشيبانى
اللقاء رقم (109) اياب موسـم 06/07 (11 يونيو) يوم الثلاثاء 03/04/2007 فاز الاتحاد (1 ـ 0)
البوركينى فان بير كوليبالى



صباحك صباح اتحادى
صباحك صباح غير عادي **** صباحك صباح إتحادي
بلا مواخذه يالاهل عليك سلامى .. اياب ودهاب وسوبر الشيبانى
عذاب مرمدة عصمان كوليبالى .. خطر علي ايام بيزان ويوم امس من الروانى
ماضى حزين يعود مانحسابه .. بعد مانتهى ونادى القرن قلتو اسياده
وظلت عيونك بالدموع سكابه .. تعيط وتشكى تقول السبب هدا ومره هدا
وقت الجد الأتحاد هو الحقانى .. مش عار عمر وسعد والفزانى
التيحا دوم كعبه عالى .. وفى افريقيا بين الكبار فى الثمانى
ويالاهل وين مايجيبوا سيرتك قدامى .. تزيد حيرتى وانا رقاق اعزامى
موش شماته .. الا العميد صقع على جلدك صعيب عناده
ودام القلب ينبض بحب سيد النوادي

دعوه يقول
دعوهُ يقولُ يلومُ جهارا...فحقدُ الحقودِ يزيده نارا
فأين حديثهُ قبل المبارة...وقبلَ عصمانَ قبلَ كمارا
الا تذكرونهُ حين أتانا...يفاخرُ رامَ التعالي إغترارا
وراحَ يعددُ تلك النجوم...داوودَ عندي وسعدٌ وكارا
ولكنَّ يومَ الحقيقة أقبل...وبانَ القوي وفزنا مِرارا
ففزنا ذهاباً وفزنا إياباً...وفزنا بكأس إمتيازِ الصدارة
ونعلم أن الخسارة علقم...أمام العميد تزيدُ مرارة
وما العيب حين يُقال تعثر...فحال البطولة ربحٌ خسارة
والعيبُ أنك في كل يومٍ...جديدٍ تحاول طمسَ المنارة
دع عنك لومك للآخرين...توجه لناديك قوي الجدارا
فبالله عندي سؤال فجاوب...جواباً يُريحُ العقول الحيارى
أأنت الليثُ الذي في الغلافِ...أم أنت حملٌ وديعٌ توارى
تحادي تسلحْ باسم بلادي...ويكفيك اسمُ بلادي شعـارا
وإن سألوكَ هناكَ بتونس...فقلْ أني ليبي ويكفي إفتخارا
نشيدُ بلادي اللهُ أكبر...واللهُ ندعوهُ ليـلاً نهـارا
أُنصر بلادي وكل إتحادي...بإذنك يا ربُ تأتي البشارة

سوبر وماشي جاي
سوبر وماشي جاي عالتوالي **قدامنا الاهلي ليه سنين يعاني
سوبر وماشي جاي وان شاء الله البطوله بروحه التيحا بطل والحل مايلقوله
وفي العربية حسادنا قالوا علينا مشاركه عاديه لكن فيها مشوارنا بداء برباعية
ذهاب و اياب فزنها النهضة العمانية وفي القاهرة المصرية ياما كتبت علينا هلبا الصحف موش شويا
وبعشره فزناهم اولادها المصرية صليل قوله هز بيه الرياضية
وبركلات في مبارة تاريخية والحظ غاب فيها شويا سكتنا كل من قال مشاركة عادية
وفي الافريقية ردد كلامه قال زي العربية لكن التيحا عزم باذن الله يلعب النهائية
مقاس90 والكورة النيجيرية *فزناهم* ذهاب واياب تقول نلعب في ديربي ليبية
راهو التيحا عزم باذن الله يلعب النهائية*خبطو*النجم فزناهم انجاز موش شويا
راهو التيحا عزم باذن الله يلعب النهائية*فايز عليهم العرب ان شاء الله جمليا
وادعوا معايا يا حبابي هيا التيحا هو بطل الافريقية

والقلب ينبض بحب سيد النوادي
ــــــــــــــــــــــــــــــــــــــــــــــــــــــــــــــــــــ


شعر بمناسبة اللقاء رقم (109) اياب موسـم 06/07 (11 يونيو) يوم الثلاثاء 03/04/2007 فاز الاتحاد (1 ـ 0)

البوركينى فان بير كوليبالى

مازال ياتيحا
كل النجوم تريد صورة معاه... وحتى القمر يبي التيحا سماه
ولو نوصفه احساس نشعر بيه... نجمع لغات الأرض ما تكفيه
يصعب على شعري وما نرويه... لين ننتهي نحكي وما نوفيه
ومازال يا تيحا
مازال ياتيحا تصول تجول... وكل الملاعب حافلة وتقول
يامرحبا بالزين ولد بلادي... شرفتنا يابطل وأحسن نادي
ومازال يا تيحا عيوني تشوف... الكؤوس عندك دايرات صفوف
مازال جمهورك يسيل عجب... لا يكل لابيمل لايتعب
ومازال لهلي فكل عام عزاء... ومازال يبحث مالقاش دواء
وقداش يالهلي لطمت خدود... وكيف ما هجرت الحزن ليه تعود
وفي كل مبارة تجيب اعذار... ضارب و هارب رجعك قرار
ويوم الثلاث مقابلينك نار... لين تنكوي وتقول صقع وحار
ـــــــــــــــــــــــــــــــــــــــــــــــــــــــــــــــــــــ



شعر بمناسبة صدور قرارا أعادة مبارة الاتحاد والاخضر والاتحاد يخوض غمار دورى ابطال افريقيا وقرب موعد اللقاء رقم (110) ذهاب موسم 07/08 (11 يونيو) يوم الخميس الموافق 27/12/2007 تعادل (1 ـ 1)
على رحومة

علاش الحقد يده طايلة
اتحاد شرف والموانع حايلة.....وكل ليبيا بالخير تذكر فيه
لكن نوايا سود جتنا سايلة.....في صبح فرحتنا سمعنا بيه
قرار جانا فيه كفه مايله.....في وقت يبوني نتحطم فيه
قولوا علاش الحقد يده طايلة.....وعلاش يوم الفرح نبكي فيه
لو يوم ولدك فخر زاد العايلة.....انت علاش بحزن بتكافيه
والله حـق الـرد نقعـد شايله.....ويوم الخـمـيـس الـرد بتلاقيه
يصعب عليك الصيف ما تتخايله.....مع الصقع في الأبطال بنقضيه
فى تشاد قالوا صح صيف القايلة.....يا جار جو تشاد عندك فيه
لو كان مليت الأحلام الزايلة.....حداك القطن ياحاج نشف بيه

ـــــــــــــــــــــــــــــــــــــــــــــــــــــــــــــــــــــت



اشعار بمناسبة اللقاء رقم (111) اياب موسـم 07/08 (11 يونيو) يوم الثلاثاء الموافق 22/4/2008 تعادل (2 ـ 2)
محمد المولدى / البوركينى فان بير كوليبالى


فرحة ماتمت
فرحة ماتمت ياجارة فرحة ماتمت ...والتيحا يبكيك بنارة وماهو متشمت
وقالوا ياجارة فرحانة قبل الوقت يتم...ومشكلتك ياجارة تنسي أحمر لون الدم
وطبعه نادينا ياجارة لو راد وصمم...ينادي عالصعبات يردوا يا تحاد نعم
وحارس ناديكم ياجارة خش فرأسه يهز...نقولوله ما توقف هزه كان علينا تعز
المولدي والكولي فهموها وقول الرأس جهز...وفي الوقت المزبوط التيحا شباك الجارة هز
وبرانكو حط التشكيلة و قعمز ركبة ونص... شفنا عالبوكير الحيرة في العبرات يغص
ياجارة يحلم بالربحة عالتيحا بوكير...يموت وما يربح قولوله يمشي يروح خير
وغني يا جمهور التيحا ليهم ثمن سنين... ماطلعوا برا الحبيلة وفيها محجوزين
ويا جمهور الجارة جاوب و السؤال يجيك ...الطير اللي قتلته شن ذنبه والاّ عادة فيك
زعما مبعوث من حمامة وفي ثاره يبيك... والاّ حسيتي ياجارة كيف أسود ماضيك

فرحوا لما لقوها اثنين
فرحوا لما القوها اثنين ... قالوا بنبدوا نردوا الدين
ما يحسابوا هذا التيحة ... مشرف كل الليبيين
البيرة واقف ما يحاسبه ... قول الراس ايولى اثنين
الاول والثانى ياسادة ... اتقول اعادة ماعمره شافتهم عين
ولو ثوانى اضافى زاده ...الثالث ما يرحم بعدين
الحصيلة يا حسادة ... اتشيبوا وما تردوه الدين

كل عام يقولوا هالعام
كل عام يقولوا هالعام...مع الأهلط كثرت الأحلام
قبل المباراة صقورة...وبعد المباراة نعام
أجلها ما تأجلهاش...تحجج في سمير علاش
والله لو حجوا لحداش ...أنت عارف ما تقدرهاش
خايف تخسر كيف العادة...تلز المدرب وولادة
والجمهور يطلع دسكة...يتسبل بكل برادة
برانكو لو حط التشكيلة...عندي الدوري حط رحيلة
وبوكيرك مايلقى حيلة...لبلاده ساهل توصيلة
أنشد موموفتش علينا...وبونوارة كان نوينا
والبنزرتي وصولة يقول...قدامي ملقوش حلول
الإتحاد السيد أسطورة... يوكل ما ياكل مشهورة
صغير ناديكم في الكورة...في الشيشة نعطوه فطورة
ضحكتوني يا هرابة...يا زعالة ياشرابة
ناديك تشادي ما هابة...تقول الإتحاد يهابة
سامحني راني مغرور...معا التيحا عايش مسرور
ونفخر قدام البراني...ليبي والتيحا عنواني

ودام القلب ينبض بحب سيد وزعيم وعميد النوادى

ـــــــــــــــــــــــــــــــــــــــــــــــــــــــ



شعر بمناسبة اللقاء رقم (112) ذهاب موسم 08/09 (11 يونيو) يوم الاربعاء الموافق 21 /01/2009 فاز الاتحاد (2 ـ 1)
احمد الزوى / البوركينى بول كوليبالى

ماهناك جديد
ما هناك جديد...نفس الكلام وما عليه نزيد
قبل المبارة كلامهم تهديد...بعدها يبان الشهم والرعديد
ويوقف التيحا عالنوادي سيد...سيد الملاعب ما لقاش نديد
ماهناك خلاف...مازال عقدتهم فى حرف الكاف
الاهلي تهور قال نا مانخاف...جانا يتمختر طاح في المنداف
اللي خدم بكري الفرحة شاف...واللي تمنى بات ريقه جاف
ماعاد فيكم طمعة...حنا ناركم وانتم مثيل الشمعة
الحمراء ليا ولعت ودارت لمعة...الأهلي نشوفوا فوق خده دمعة
ما عاد فيك طميعة...جبت العرب والأفارقة والشيعة
ياحاج رأس الجهل راك تبيعة...وطلع لفشلك كل يوم ذريعة

ـــــــــــــــــــــــــــــــــــــــــــــــــــــــ



شعر قيل بمناسبة اللقاء رقم (113) اياب موسم 08/09 (11 يونيو) يوم الاربعاء 09/06/2009 فاز الاتحاد (2 ـ 0)احمد الزوى / البوركينى بول كوليبالى
مبارة حليب العنز والسياحة فى شحات

بنضحك وبيض سنوني
يا مضحكة بنضحك وبيض سنوني...تحتوح عايش فرحتي خلوني
تحتوح تسع سنين ما ربحتوني...سوا لعب والا دوكمة بالبوني

بنضحك وبيضة سني... تحتوح عايش في الحياة متهني
طعم المرارة في لسانك مني... قتلك التيحا صعب ابعد عني

سنوني بياض حليب...ياعنز صيحي كان جاك الذيب
لو جف ضرعك ما حليب يجيب...لحمك على الأحمر الجمر ايطيب

بنضحك سنوني وايت...على ناس ديما رايها مش رايت
فمكانها ديما فنفس السايت...وكلامها دارك وليل ونايت

بنضحك سنوني بيض...ودولابنا بالداقرات يفيض
واكتب فتاريخك بخط عريض ... مانقدره التحاد وين يغيض

قالوا لينا... الدوري فاول يوم قالوا لينا
كلام الوسع في البحر دار مدينة.... وفي الضيق خش القول في التركينة
يا زوي ارقص فرح وين تجينا...وابكي الدوري ضاع يا مسكينة

نصيبك دوه...والكأس ضميناه حتى هوا
التيحا يحرك في غزالة القوة...هذا النادي الصح هذا جوا

ــــــــــــــــــــــــــــــــــــــــــــــــــــــــــ



شعر بمناسبة اللقاء رقم ( 117 ) ذهاب موسم 10/11 ( 11 يونيو ) يوم الاثنين 03/01/2011 فاز الاتحاد 1/0
المحترف التوجولى مانى سابول ( 18 سنة )

حالي من قولك ياماني
حالي من قولك ياماني .... حال اللي في المرض يعاني
حالي من تيرو سبول.... حال الهول ...حال اللي ميت مسطول...
ياحال الكورة ... حال اللي نفسه مقهورة ... انت ماني انت اسطورة... انت اللى شوشت الصورة
ياحالي منك ... حاير ومحيرني سنك... صغير مهاري وامحنك... وبقولك كملته فنك
حالي من قولك ياماني .... حال اللي في المرض يعاني
مانيش مليح ...حالي من سبول جريح... حال مركب رايسها ريح...حال فارس من فرسه يطيح
ياحالي منه ... حال اللي موجوع بسنه... حال اللي عمره ماتهنى... خلوني انولي لمكاني ...
وحالي من قولك ياماني ... حال اللي بيجمد تاني
ياحال الحيرة... والتيحا داروها كبيرة...ماني قايدها المسيرة... وقولوا ديما فيها خيرة
ياحال العادة...حال التيحا يوم عناده ... حمراء وبيضاء لبس اولاده ...وفن الكورة هما اسياده


نادى الاهلى شايلين انعاشة
نادى الاهلى شايلين انعاشة **عليه يتابكوا كلهم لفلاشه
ديــــــــــــــــــــــــــــــروا قانه فوتوه لاهلى وشجعوا الترسانه
فريق متواضع بطــــول زمانه ادارة حكيمـة موش مالغشاشة
مش كيف لاهلى حـالته مشيانه ديمه مع اتحــــــاد فى كماشة
اليوم عشرة سنين فى زنــزانه تحلف عليهم نـــــازلة رشاشه
ديمه خساير حـايسين حـزانه مثيل راعى وسارقين اكباشه
نادى الاهلى شايلين انعاشة **عليه يتابكوا كلهم لفلاشه
شجــــــــــــــــــــــــــعوا الفلوجة يبان قبل الحــــــول فى منتوجه
الكاس والدورى الديروا فوجه والوجوه يبدن نـــايرات بشاشه
وتبدوا طرابـــه دايرين اهزوجه وتروو بعد كنتو جداب عطاشه
وراهو التيحا صاعبات دروجة ترقوا الطيحوا يـــافلاشه حاشه
نادى الاهلى شايلين انعاشة **عليه يتابكوا كلهم لفلاشه

أم بسيسى
أم بسيسي...قالوا تحب الأم بي سي
أم بسيسي...دربي يمشي ودربي يجي
أم بسيسي...قالوا في الكي بورد ابطال
أم بسيسي...زعما الصوت بكم ريال
أم بسيسي...ربحتي التيحا لا مازال
أم بسيسي...شوف ولدها حط الجل
أم بسيسي...قالت بس الشوك امبل
أم بسيسي...قالت جيل صغير وصاعب
أم بسيسي...لكن ما خداش أحسن لاعب
أم بسيسي...عيطة اقلام واحلام
أم بسيسي...قالت ظلموها الحكام
أم بسيسي...نفس الدسكة في كل عام
أم بسيسي...سبب الخسارة مش سري
أم بسيسي...في نفس الدسكة استمري
أم بسيسي...علم الجزائر واجعها
أم بسيسي...قالت هوا اللي ضيعها
أم بسيسي...وين ولدها الغايب فل
أم بسيسي...للتيحا ماعنده حل
أم بسيسي...قالت ديروها تصويت
أم بسيسي...ياسر من غير تفتفيت
أم بسيسي...قدفت شبكتها يا ماني
أم بسيسي...قدام التحاد تعاني
أم بسيسي...قالت ما نخافش من شيء
أم بسيسي...الا من غول سماه زوي
أم بسيسي...خرافة حلوة وتسلي
أم بسيسي...خايفها للثلج تولي


الله يسامح مانى سابول
الله يســامح مـــانى ســابــول " بــعـد هالقـــول " مرييِض خـــلانـى مسبـــول"
مسبــول أنعـــانـى" مـ تيحا لى جــــــانــى جـــانــى "
غــــاب أحـميــدة يــحـضـــــــر مـــــــــــانـى "
نـــزلـــــو طــــول " فـى دقــائـق خــتـــمـــوهــــــــــا بجــــول "
قــلـــنـــــا نـــاقـصـــين " فــــرصــتــنــا بـــردو الــديــن "
فى غـــيابــا حــــــــــامـى العـــريـن " طـــــــلـــع الغـــــــول "
غــــزالـــة هـــل المـــــــرة المـــســـؤل "
يـــــا يمــة شــن لــى بنـقـولــة " ولـــد النــــادى دار الحــــولــة "
لا مـصــــاب ولا مــ الـــدولــــة " أمـــغـــيـر أيـــقـــول "
يــســـبـــق فـى أعــذارة الـــد لــدول "
يـــســبــق فـى قـــولـــــــــة " مـش مـنـا دارولــة الـغــولــة "
حــرارة لــعــب بــكــل رجـــولـــة " يـــصـــول يجــــول "
كــــــــل لاعــــــــب بـيـجــيــب أحــــلـــول "
تـلـــقـــة الـــصــنـــديـــد " تــلـــقــة أدارة فــيــهــا مـــجــيــد "
يـــعـــرف ويــن يـــحـــط الـلــــيــد " لـــه مـــد لـــول "
يـــداوى فـى الــجـــرح الــمــعلـــول "
بـــتـــزهــــالـــى كـــيـــف " وطـــبوات فـ شـتــاء و الـــصـــيــف "
مـــرة الــطــايـــب " مـــرة تـــعـــلالـــى بـــســـيــف "
ومـــــولا الــــمـــول " غـــــايــب ولـلـى يـــطـــول يـــطـــول "




ودام القلب ينبض بحب سيد النوادي

ا