ديوان الشعر الاتحادى

بمناسبة فوز الاتحاد على الاهل ذهاب موسم 10/11 بتاريخ يوم الاثنين الموافق 3/1/2011
حالي من قولك يامني .... حال اللي في المرض ايعاني
حالي من تيرو سبول.... حال الهول ...حال اللي ميت مسطول...
ياحال الكورة ... حال اللي نفسه مقهورة ... انت ماني انت الاسطورة... انت عليا شوشت الصورة
ياحالي منك ... حاير ومحيرني سنك... اصغير مهاري وامحنك... وبقولك كملته فنك
مانيش امليح ...حالي من سبول جريح... حال مركب رايسها ريح...حال فارس من فرسه ايطيح
ياحالي منه ... حال اللي موجوع بسنه... حال اللي عمره ماتهنى... خلوني انولي لمكاني ... وحالي من قولك يامني ... حال اللي بيجمد تاني
ياحال الحيرة... والتيحا داروها كبيرة...ماني قايدها المسيرة... وهالعام انقول فيها خيرة
ياحال العادة...
حال التيحا يوم عناده ... حمراء وبيضاء لبس اولاده ...وفن الكورة هما اسياده
وهذا شعر أخر بنفس المناسبة
نادى الاهلى شايلين انعاشة **عليه يتابكوا كلهم لفلاشه
ديــــــــــــــــــــــــــــــروا قانه
فوتوه لاهلى وشجعوا الترسانه
فريق متواضع بطــــول زمانه
ادارة حكيمـة موش مالغشاشة
مش كيف لاهلى حـالته مشيانه
ديمه مع اتحــــــاد فى كماشة
اليوم عشرة سنين فى زنــزانه
تحلف عليهم نـــــازلة رشاشه
ديمه خساير حـايسين حـزانه
مثيل راعى وسارقين اكباشه
نادى الاهلى شايلين انعاشة **عليه يتابكوا كلهم لفلاشه
شجــــــــــــــــــــــــــعوا الفلوجة
يبان قبل الحــــــول فى منتوجه
الكاس والدورى الديروا فوجه
والوجوه يبدن نـــايرات بشاشه
وتبدوا طرابـــه دايرين اهزوجه
وتروو بعد كنتو جداب عطاشه
وراهو التيحا صاعبات دروجة
ترقوا الطيحوا يـــافلاشه حاشه
نادى الاهلى شايلين انعاشة **عليه يتابكوا كلهم لفلاشه


طق العود وطق مقاسه ... ومشوك ماسح بالجيل

والطايب دفوها في راسه... والتيحا مالقولاش الحل

امحا واكتب في الكراسة ... تاريخك بالسبعة امسجل

كورة ملعوبة بدراسة ... فاريق بجمهوره انشل

وهاذي مسحه بالطلاسة ... فاريقك واجد ساهل

حلك اصلا واساسه ... درت الهربة من الاول


الووووووو

الووووووو

جمعة فين

جمعة مين

جمعة قطيط

نقوله مين

قولوله ماني

ماني مين

قولوله ماني سابول